“Intego yanjye ni ukubaha ubuzima bwinshi kandi bushimishije.” Yohana 10:10
Mperutse kuba ndi gusoma inkuru y’igihe Imana yakoresheje imodoka yangiritse cyane, ishaje mu guhamagara Peter Horrobin mu murimo wo gukiza. Mu magambo ya Peter, ‘Igihe nabonaga bwa mbere ibisigazwa bibabaje (by’imodoka), numvaga byari kuba byiza kurushaho guhamagara uwiyemeje gukora umurimo wo gushyingura abantu, akaza agashyingura uyu mukobwa ushaje rwose mu cyubahiro‘, yankoze ku mutima cyane. Iyi nteruro imwe yanshubije mu buzima bwanjye ubwo igihe kimwe ari uko niyumvaga meze, neza neza: ndi uwavunitse, ubabaye, umuntu utagira ibyiringiro, wihebye, udakwiriye kubaho.
Hanyuma, nkomeje gusoma, Peter (uwagize iyerekwa!) Yari yaranditse ko, ubwo yarebaga ikirundo cy’ibice bimenetse, ‘numvaga nkaho numvise ijwi rya moteri yuzuye amavuta n’umuyaga unyura mu musatsi wanjye, iyo modoka irimo kwiruka ibirometero byinsih imbere yanjye. ‘Umwuka wanjye wazamuwe cyane no kwibuka ko igihe nari ncitse intege kandi nkaba naniwe cyane, Imana yo itigeze inamuka. Yabonye ibyo ntashobora: ibishoboka byose byo gusanwa kuzuye Yari izi neza ko igiye kunzanira. Natangiye kuyishimira n’umutima wanjye wose k’ubwiza bwayo n’ubudahemuka bwayo, kuko rwose yazanye gusanwa birenze ikintu cyose natekerezaga muri kiriya gihe.
Ako kanya, natekereje ku bantu benshi, benshi ndetse n’ubu, bumva bameze nkuko nigeze kumva meze, nk’ikirundo cy’imyanda, nizera ko ikintu cyiza ari icy’abandi ko njye icyanjye ari ‘ukwipfira gusa’. Nibukaga ko, abantu benshi basanzwe bifitiye umubabaro bafashwe n’iki cyorezo cya Covid no kwigunga ko kuguma mu rugo, barushijeho kwibasirwa n’ubwiyongere bukabije bwo kubura ibyiringiro, kwiheba ndetse n’ibitekerezo byo kwiyangiza.
Ushobora no kuba umwe mu bashobora kuba bakwigereranya byoroshye n’iyi modoka ishaje yangiritse, kandi niba ari byo, ndizera ko Imana yacu yuje urukundo ishaka mu bwuzu bwayo kukwizeza, ko, nubwo ibyo wanyuzemo mu buzima bishobora kuba bitagaragaje ko uri uw’igitangaza kandi ufite agaciro cyane, Irakubona, ikurebesha amaso yuzuye urukundo n’impuhwe, nk’umwana wayo bwite, imboni y’ijisho ryayo. N’umutima we wuzuye ibyiringiro (kandi atari ibyiringiro bitenguha!) Akubona wasanwe, ‘wiruka cyane umuyaga unyura mu misatsi yawe, wiruka ibirometero by’ubuzima mu muhanda ufunguye utagira urusisiro.’
Ntabwo Imana inkunda jyenyine. Niba ubabara, umenetse kandi wihebye, umutima w’Imana ni umwe kuri wowe, kandi utekereje kuri aya magambo (ibyo Yesu ubwe yavuze) ukamwemerera, Umwuka Wera we azabijyana abishingishe imizi mu mutima wawe, ‘yantumye kuvura abafite imvune mu mutima no kumenyesha imbohe ko zibohowe, no gukingurira abari mu nzu y’imbohe. …. no guhoza abarira bose. Yantumye no gushyiriraho itegeko ab’i Siyoni barira, ryo kubaha ikamba mu cyimbo cy’ivu, n’amavuta yo kunezerwa mu cyimbo cy’ubwirabure, n’umwambaro w’ibyishimo mu cyimbo cy’umutima wihebye. ‘(Yesaya 61: 1-3).
Aya ni amasezerano yawe kuri wowe ku giti cyawe. Irazi ko byoroshye cyane kumva ibitekerezo bimenyerewe bishaje bizenguruka mu mutwe wawe kandi binyuranye n’amagambo yayo. Niyo mpamvu dukeneye Umwuka Wera kugira ngo adushoboze, kandi arahari yiteguye kudufasha igihe cyose tumuhamagaye. Tugomba kubishaka gusa. Ni we mufasha wacu kandi udushoboza, azakuyobora mu budahemuka intambwe ku yindi.
Kuri twe twiboneye gusanwa kwe gutangaje mu buzima bwacu, reka tuzirikane ko Yesu yavuze ati: ‘Umugambi wanjye ni ukubaha ubuzima bwinshi kandi bushimishije‘ (Yohana 10:10, NLT), kandi nta kintu na kimwe cyangwa umuntu n’umwe wayinanira bibaho. Noneho, reka dushake amahirwe, ndetse no muri iyi minsi yo kuguma mu rugo, kugira ngo dukomeze abihebye, tubahe ibyiringiro by’ukuri twasanze muri We, ku badafite ibyiringiro, abatekereza ubuzima ‘mu buryo bwuzuye, bwo kugenda ibirometero mu muhanda ufunguye uzira urusisiro. ‘
Gusenga: Data wo mu ijuru, Peter ashobora kuba yarimo areba ikirundo cy’ibyuma bimenetse, ariko abona ikintu gitandukanye na byo cyane. Urakoze ko, ureba kure n’amaso yawe y’urukundo n’impuhwe, ukabona kure y’ivu ry’ubuzima bwangiritse kugeza ku ikamba ry’ubwiza Uha abatinyuka kukwizera bakaguha igihombo cyabo. Urakoze ko Ubona ibyangiritse cyane, bizamuwe hejuru nk’igikombe cy’ubuntu bwawe. Ndatangaza ko (haba ku bwawe – cyangwa k’umuntu wavunitse uzi) ibyiringiro byanjye biri muri we. Mu Izina rya Yesu, Amen.
Byanditswe na Julie Smith, ishyirwa mu Kinyarwanda ikuwe mu nyigisho za buri munsi za Ellel Ministries International zitwa Seeds Of The Kingdom zo ku itariki ya 21 Mutarama 2021.
