“Nonkeje abana ndabarera ariko barangomera. Inka imenya nyirayo, n’indogobe imenya urugo rwa shebuja. Abisirayeli bo ntibabizi, ubwoko bwanjye ntibubyitaho.” Yesaya 1:2-3
Umunsi umwe mu gitondo, naje mu gikoni ndeba mu idirishya. Ku meza mu busitani hari hateraniye utunyoni tw’umukara, nk’esheshatu cyangwa umunani. Zari zintegereje. Urubura rwari rwongeye kugwa nijoro. Rwari rukigwa nubwo. Rwabaye rwinshi. Aho gufata ifunguro ryanjye rya mu gitondo nafashe ijagi ebyiri nini nuzuzamo ibiryo by’inyoni byari mu igaraje. Nakuyemo imbuto zuzuye igipfunsi zumye – ibyo inyoni zirabura zikunda – nuzuza igikombe amazi mashya. Njya kuzigaburira. Inyoni z’umukara zose zarategereje, zinaganitse ku rukuta rw’ubusitani, ku giti cya prunus kinini mu busitani.
Nta n’imwe yagurutse. Maze gutunganya hasi, nujuje uburiro bw’inyoni (izo nyoni zirabura ntizihagera nta nubwo zikunda ibyo biryo). Hanyuma, nasandaje ibyo nari mfite mu gipfunsi canjye Bya biryo hirya no hino hamwe n’ijagi yuzuye imbuto z’ibihwagari, zinyanyagira ku butaka butariho ikintu.
Nafashe umweyo hamwe n’izo jagi zirimo ubusa – – na mbere yuko ntera intambwe inyoni z’umukara zari zamanutse ngo zirye zinezezwe no kurya bya biryo. Zari zintegereje. Ntabwo ari inyoni zo mu rugo, ariko zaramenye, ko ari njye uzigaburira, kandi zari zateraniye hamwe zitegereje ubudahemuka bwanjye bwo gutanga ibiryo. Natekereje kuri aya magambo:
‘Inka izi shebuja, indogobe imenya nyirayo, ariko Isiraheli ntabizi, ubwoko bwanjye ntibwumva.’ Uku ni ugutaka k’umutima bivuye ku Mana bitewe n’ubwoko bwayo.
Naratangaye vuba aha, ndeba gahunda itangaje ku nyamaswa zo ku gasozi, ku isanzure, mu byavumbuwe, kuri siyansi, ku buryo bose batemera ikintu icyo ari cyo cyose ku Mana iri inyuma ya byose, Imana ari yo Muremyi wacu, Umuremyi wacu n’Umwami w’Isanzure aho twisanga. ‘Imana’ ni ijambo ryanduye. Imana ntabwo ari PC. ariko ibyo icyo bibyara ni – ububabare. Kubabara cyane no gukomeretsa. Yesaya yarabonye, ’ inguma n’imibyimba n’ibisebe binuka, bitigeze gukandwa cyangwa gupfukwa, nta n’ubwo byabobejwe n’amavuta.‘ (Yesaya 1: 5-6). Ntabwo ibi ari byo tubona bidukikije ku isi yacu uyu munsi?
Gusenga: Mana, Uwatubumbye, Umuremyi, Uduha ibyo dukennye, mu izina ry’amahanga yacu, twemera ko twakwanze – akenshi twahakanye ko ubaho, duhakana ko uri Umuremyi wacu kandi duhakana ko uri Imana ishobora byose. Data, kubw’Umwuka wawe Wera, nyemerera uduhe umutima wawe ku bantu bavunitse badukikije hamwe n’umutima wawe gusengera amahanga yacu no kutizera kw’abaturage bacu. Urakoze, Mana, ko umutima wawe ugomba gukiza – kudukiza ku giti cyacu no gukiza amahanga bacu. Urakoze Mana ko umutima wawe ari ugukiza – kudukiza ubwacu ku giti cyacu no gukiza ibihugu byacu. Urifuza cyane ko tukugarukira. Amena.
Byanditswe na Sue Griffiths, ishyirwa mu Kinyarwanda ikuwe mu nyigisho za buri munsi za Ellel Ministries International zitwa Seeds Of The Kingdom zo ku itariki ya 28 Gashyantare 2021
